موضوع: ياسلام ع الدنيا الغدارة

بسم الله الرحمن الرحيم


ياسلام ع الدنيا الغدارة


ياسلام ع الدنيا الغدارة
دا الناس بعذابها محتارة

وناس بتضحك على ناس
وتلومها تقولك دى شطارة

فى ناس فقيرة آخر راحة
وناس م الفقر مرتاحة

وناس هيمانه وسواحه
وناس الفرحة محوطاها

ياسلام ع الدنياالغدارة
ياسلام لو نقدر نتكلم

يمشى اللئيم ولا بيسلم
والناس تقوم له وتسلم

وكمان فينا بيتحكم
ماهو أصله راجل كباره

ياسلام ع الدنيا الغدارة
شايف تملى الناس جنبه

وفاكر كمان إن حبايبه
فى الاصل هما اللى قرايبه

طب قوللى وأدينى أماره
ياسلام ع الدنيا الغدارة

فى ناس اليأس حبيبها دليلها
وناس بالصبر الرزق يجيلها

السمكة تهرب م الشبكة
وتجرى تحضن سناره

وياسلام ع الدنيا الغداره
ياسلام لونقدر نختار

كان نزل الحب بأنوار
والخاين يمشى م الدار

والصادق يصبح شيخ حاره
ياسلام علي الدنيا الغدارة